“Улаанбаатар метро” төслийн хүрээнд метроны шугам дагуу өртөө байршихаар төлөвлөгдсөн 15 цэгт хөрсний нарийвчилсан судалгааг хийж гүйцэтгэн, байгаль орчны суурь нөхцөлийг тодорхойллоо.

Судалгаагаар төслийн нөлөөллийн бүсэд нугын цэвдэгт хөрс, антросол хөрс болон хар хүрэн хөрс зонхилон тархаж байгаа бөгөөд хотжилт, хүний үйл ажиллагааны нөлөөгөөр зарим хэсэгт хөрсний байгалийн тогтоц өөрчлөгдсөн ч зарим бүсэд байгалийн хэв шинж хадгалагдан үлдсэн байна.

Хөрсний химийн задлан шинжилгээний дүн.

Дүгнэлт: Хөрсний химийн шинжилгээгээр шүлтлэг орчин давамгайлж, давсжилт багатай, шим тэжээлийн хувьд дунд зэрэг хангалттай байгаа нь барилгын ажилд ашиглахад хүндрэл багатай, харьцангуй тогтвортой хөрс болохыг харуулж байна.

Төслийн талбайн хүнд металлын агууламж

Дүгнэлт: Хөрсний бохирдлын түвшинг тодорхойлох зорилгоор хийсэн хүнд металлын шинжилгээний үр дүнд цайр (Zn), хром (Cr), хар тугалга (Pb), зэс (Cu), никель (Ni) зэрэг элементүүдийн агууламж нь Монгол Улсын стандарт (MNS 5850:2019)-д заасан хүлцэх хэмжээнээс хэтрээгүй буюу бохирдол илрээгүй байна.

Үүнээс гадна бохирдлын индекс болон экологийн эрсдэлийн үнэлгээгээр ихэнх байршил “бохирдолгүй”, зарим хэсэг “бага” болон “анхаарал татахуйц” түвшинд үнэлэгдсэн нь төслийн талбайн хөрсний чанар экологийн хувьд аюулгүй байгааг харуулж байна.

Энэхүү судалгаа нь метро төслийн барилгын ажлыг эхлүүлэхийн өмнөх суурь мэдээллийг бүрдүүлж, цаашдын байгаль орчны хяналт, мониторингийн чухал үндэс болж байна.

ШИНЖИЛГЭЭНИЙ ХАРИУ